გარდაბნის სამედიცინო პუნქტი „კეთილი სამარიტელი“ 4 წლისაა
03.10.2023 / article / #events

2019 წლის 3 ოქტომბერს, წმ. წამებულის მარ შიმონ ბარ საბაეს ასირიულ - ქალდეური კათოლიკური ეკლესიის დაფინანსებითა და საქველმოქმედო ფონდ  „საქართველოს კარიტასის“ მხარდაჭერით ქ. გარდაბანში   გაიხსნა პირველადი დახმარების სამედიცინო პუნქტი სახელწოდებით „შამრაია ტავა“

( „კეთილი სამარიტელი“).
დღიდან დაარსებისა, სამედიცინო პუნქტი უწევს დახმარებას თითოეულ პაციენტს განურჩევლად ეთნიკური  და რელიგიური კუთვნილებისა. სამედიცინო დაწესებულების დახმარება გამოიხატება შემდეგ სერვისებში:

 – სასწრაფო, გადაუდებელი, პირველადი დახმარების აღმოჩენა ტრავმების, დაზიანების, მწვავე და ქრონიკული დაავადების და მოწამვლის დროს;
–  თერაპიული მკურნალობის უზრუნველყოფა;
–  პროფილაქტიკური და გამაჯანსაღებელი ღონისძიებების განხორციელება;
–  სანიტარულ-ჰიგიენური ცოდნის და ცხოვრების ჯანსაღი წესის პროპაგანდა.

2019 წლიდან დღემდე, პირველადი დახმარების სამედიცინო პუნქტმა დიდი სიყვარულით  და სრულიად უსასყიდლოდ გაუწია დახმარება 563 ადამიანს.

წმ. წამებულის მარ შიმონ ბარ საბაეს ასირიულ - ქალდეური კათოლიკური ეკლესია, ქორეპისკოპოს ბენიამინ ბეტიადგარის ხელმძღვანელობით,  როგორც ამ პროექტის ერთადერთი დამფინანსებელი, დიდ მადლიერებას გამოხატავს სამედიცინო პუნქტის „შამრაია ტავას“ და საქველმოქმედო ფონდ „საქართველოს კარიტასის“ ჯანდაცვის პროგრამის თანამშრომლების მიმართ, კერძოდ:

ბ-ნი გაიოზ ყუბანეიშვილი - საქართველოს კარიტასის ჯანმრთელობის დაცვის პროგრამის მენეჯერი;

ქ-ნი ჟანა პეტროსიანი -  საქართველოს კარიტასის ჯანმრთელობის დაცვის პროგრამის მონაცემთა ბაზის სპეციალისტი;

ჩვენი ძვირფასი მოისეი ადამოვი - სამედიცინო პუნქტის ხელმძღვანელი;

ლილი ავრო - სამედიცინო პუნქტის კოორდინატორი;

მარიეტა ადამოვა - სამედიცინო პუნქტის დასუფთავების მენეჯერი.

ძვირფასო  „კეთილი სამარიტელი“- ის თანამშრომლებო, ძვირფასო პაციენტებო, ყოველივე თქვენთაგანს - ჯანმრთელობას, მხნეობას, სულიერ სიმტკიცეს და წარმატებას გისურვებთ!